მაღალტექნოლოგიური, სამედიცინო-სარეაბილიტაციო ცენტრის მშენებლობა გარდაბანში იგეგმება.

გიორგი დოხტურიშვილი გერმანული კომპანიის ,,CDH ConsulƟng Diestlestung Handel" დირექტორს, მარიამ მაგომედოვას შეხვდა.

სახელმწიფო რწმუნებულის ადმინისტრაციაში გამართულ სამუშაო შეხვედრზე გერმანული კომპანიის CDH ConsulƟng Diestlestung Handel და შვილობილი კომპანის „მედსერვის ჯორჯია“ წამომადგენლებმა რწმუნებულს ინფრასტრუქტურული პროექტი გააცნეს.

პროექტის ფარგლებში გარდაბნის მუნიციპალიტეტში, სოფელ გამარჯვებაში, სამედიცინო-სარეაბილიტაციო ცენტრი აშენდება.

პროექტი მასშტაბურია და მოიცავს: სამედიცინო სარეაბილიტაციო ცენტრს; კვლევით ინსტიტუტს; მაღალტექნოლოგიურ ლაბორატორიულ ზონას; სამედიცინო პრეპარატების საწყობს; მრავალფუნქციურ სავაჭრო ცენტრს; პოსტ-ოპერაციულ სარეაბილიტაციო კომპლექსსა და სასტუმროს.

საავადმყოფო გათვლილი იქნება 800 საწოლზე. შენობის მიწისქვეშა დონეებზე მოეწყობა: კვლევითი ინსტიტუტი, ლაბორატორია, საპარკინგე სივრცე. ასევე სამედიცინო პოსტ-სარეაბილიტაციო ცენტრი და მრავალფუნქციური სავაჭრო კომპლექსი, სადაც უნდა განთავსდეს ადმინისტრაციული და სავაჭრო სივრცეები თავისი საპარკინგე სართულით.

სამუშაო შეხვედრას ასევე ესწრებოდნენ სახელმწიფო რწმუნებულის მოადგილეები ნიკა კობახიძე და ილია ჯალაღანია, გარდაბნის მუნიციპალიტეტის მერი დავით კარგარეთელი და კომპანიის წარმომადგენლები.

#ქვემოქართლისრეგიონი

#გარდაბნისმუნიციპალიტეტი