გიორგი დოხტურიშვილი საქართველო-სომხეთის საზღვართან, მდინარე დებედაზე, ახალი საავტომობილო, „მეგობრობის ხიდის“ ოფიციალური გახსნის ცერემონიას დაესწრო.

საქართველოს პრემიერ-მინისტრი, ირაკლი ღარიბაშვილი, საქართველოში ოფიციალური ვიზიტით მყოფ სომხეთის რესპუბლიკის პრემიერ-მინისტრს, ნიკოლ ფაშინიანს შეხვდა და  „მეგობრობის ხიდის“ გახსნის ცერემონიაზე დამსწრე საზოგადოებას სიტყვით მიმართა. 

შეხვედრის ფარგლებში ქვეყნებს შორის საუკუნოვან თანამეგობრობაზე, არსებული მჭიდრო პარტნიორული და მეგობრული ურთიერთობების კიდევ უფრო გაღრმავებასა და საავტომობილო ხიდის სამომავლო მნიშვნელოვბაზე ისაუბრეს.

„მეგობრობის ხიდის“ გახსნის ცერემონიაზე, სიტყვით მიმართვისას, მხარეებმა ხაზი გაუსვეს საქართველოსა და სომხეთის რესპუბლიკებს შორის არსებულ და სამომავლო თანამშრომლობას - სავაჭრო-ეკონომიკურ, სატრანსპორტო, ლოგისტიკისა და კულტურის სფეროში.

აღსანიშნავია, რომ „მეგობრობის ხიდი“ სტრატეგიულ მნიშვნელობას იძენს, როგორც აღმოსავლეთ-დასავლეთის საერთაშორისო მაგისტრალის მნიშვნელოვანი ნაწილი.

#ქვემოქართლისმხარე