საქართველოს პრემიერ-მინისტრთან, ირაკლი ღარიბაშვილთან ერთად, გიორგი დოხტურიშვილი „დიდგორობა 2022“-ს დაესწრო.

,,ყოველ წელს, ქართველი ერი პატივს მიაგებს ისტორიაში ,,ძლევაი საკვირველის" სახელით შესულ ბრძოლაში, სამშობლოს ერთიანობისთვის მებრძოლ მამულიშვილებს.

12 აგვისტო ქართველი ხალხისთვის სწორედ, რომ ერთიანობის მაგალითია. ამ გამარჯვებით საქართველომ რეგიონის უძლიერესი სახელმწიფოს სახელი საბოლოოდ დაიმკვიდრა და საქართველოს პოლიტიკურ, ეკონომიკურ, კულტურულ და რელიგიურ აღორძინებას დასაბამი მისცა.

კიდევ ერთხელ გილოცავთ დიდგორობას და თითოეულ ადამიანს გიწვევთ დიდგორობისადმი მიძღვნილ ამ არაჩვეულებრივ ღონისძიებაზე“ - გიორგი დოხტურიშვილი.

ღონისძიების ფარგლებში საქართველოს თავდაცვის მინისტრმა, ჯუანშერ ბურჭულაძემ საომარი და საბრძოლო მოქმედებების დროს გაბედული მოქმედებებისათვის, ლიდერის თვისებებისა და თანამებრძოლის სიცოცხლის გადარჩენისთვის გამოჩენილი სიმამაცისთვის, მედალი „დიდგორის ჯვარი“გადასცა:

პოლკოვნიკ - ოთარ დოლიძეს;

მასტერ სერჟანტს - გენრი სიმსივეს;

სერჟანტ - ალექსანდრე ქოთოლაშვილს.

ტრადიციულად, წელსაც, თეთრიწყაროს მუნიციპალიტეტში, ცენტრალური ხელისუფლების მხარდაჭერით დიდგორობის დღესასწაული დიდგორის ველზე, სხვადასხვა კულტურული და სპორტული ღონისძიებებით აღინიშნა. თითოეულმა მუნიციპალიტეტმა წარმოადგინა საქართველოს სხვადასხვა კუთხე, მათთვის დამახასიათებელი კულინარიითა და ფოლკლორით

პრემიერ-მინისტრ ირაკლი ღარიბაშვილთან ერთად სახალხო დღესასწაულს, ქვემო ქართლში სახელმწიფო რწმუნებული გიორგი დოხტურიშვილი, თეთრიწყაროს მერი, გიორგი წიკლაური, მინისტრთა კაბინეტის წევრები, პარლამენტის დეპუტატები და ადგილობრივი და ცენტრალური ხელისუფლების წარმომადგენლები დაესწრნენ.

#საქართველოსმთავრობა

#დიდგორობა2022

#ქვემოქართლისმხარე