ქვემო ქართლში სახელმწიფო რწმუნებული, გიორგი დოხტურიშვილი, თეთრიწყაროს მუნიციპალიტეტში წიგნის “ლეგენდა მოთხრობაში” პრეზენტაციას დაესწრო და წიგნის „ლეკვების სამოთხე“ ავტორი დათია ბადალაშვილი სიგელით დააჯილდოვა.

 2022 წელს, ქვემო ქართლში სახელმწიფო რწმუნებულის ინიციატივითა და თეთრიწყაროს მუნიციპალიტეტის მერიის მხარდაჭერით გამოიცა წიგნი „ლეგენდა მოთხრობაში“, რომელიც აერთიანებს მე-20 საუკუნის გამორჩეული მოდერნისტი მწერლის, ბასილ მელიქიშვილის (1904-1930) შემოქმედების ნაწილს. 

უნდა აღინიშნოს, რომ 2022 წელს, თეთრიწყაროს მუნიციპალიტეტის სოფელ ორბეთში, არსებულ ბიბლიოთეკას მიენიჭა მწერლის სახელი.

წიგნების „თურმანი“ და „ლეგენდა მოთხრობაში“ შემდგენელი და რედაქტორია, ისტორიკოსი ლევან ჟვანია.

პრეზენტაციას ქვემო ქართლში სახელმწიფო რწმუნებულის მოადგილეები, ნიკა კობახიძე და კახა კობერიძე, თეთრიწყაროს მუნიციპალიტეტის მერი, გიორგი წიკლაური, საქართველოს მწერალთა შემოქმედებითი კავშირის თანათავმჯდომარე, თემურ ჩალაბაშვილი, პოეტი, ედუარდ უგულავა, პედაგოგები, დირექტორები და მოსწავლეები ესწრებოდნენ.

#ქვემოქართლისმხარე
#თეთრიწყარო
#წიგნისპრეზენტაცია