გარემოს დაცვისა და სოფლის მეურნეობის მინისტრი ოთარ შამუგია ქვემო ქართლში სახელმწიფო რწმუნებულთან, გიორგი დოხტურიშვილთან ერთად სამელიორაციო ობიექტებზე განხორციელებული და მიმდინარე სამუშაოების შედეგებს ადგილზე გაეცნო და მოსახლეობას შეხვდა
 
შპს „საქართველოს მელიორაციის” მიერ ჩატარებული მასშტაბური აღდგენითი სამუშაოების შედეგად, სოფელ შაუმიანში, 30 წლიანი პაუზის შემდეგ, სარწყავი სისტემა ამოქმედდა. შაუმიანისა და ხიხანის მოსახლეობა, სამი ათეული წლის შემდეგ, სარწყავი წყლით წელს პირველად  ისარგებლებს.

ვიზიტის ფარგლებში გარემოს დაცვისა და სოფლის მეურნეობის მინისტრმა და სახელმწიფო რწმუნებულმა თეთრიწყაროს მუნიციპალიტეტში, სოფელ ფარცხისში, უხვი ნალექის გამო განვითარებული მეწყრული პროცესების შედეგად, ტბისი-კუმისის სარწყავ სისტემაზე დაზიანებული მილსადენის აღდგენითი სამუშაოების ინტენსიურად მიმდინარეობა მოინახულეს და ადგილობრივ მოსახლეობასთან გამართულ შეხვედრაზე აღნიშნეს, რომ წყლის მიწოდება უახლოეს პერიოდში აღდგება.

„საქართველოს მელიორაცია”, გეოლოგების რეკომენდაციის გათვალისწინებით, აღდგენით სამუშაოებს ინტენსიურად ახორციელებს. აღნიშნული სარწყავი სისტემით ქვემო ქართლის რეგიონის  17 სოფლის, დაახლოებით, 3500 ჰექტარ სასოფლო-სამეურნეო მიწის ფართობის წყალუზრუნველყოფა ხორციელდება.

შეხვედრას, ასევე ესწრებოდა: მარნეულის მუნიციპალიტეტის მერი კენან ომაროვი, მარნეულის მუნიციპალიტეტის საკრებულოს თავმჯდომარე ამირან გიორგაძე, საქართველოს პარლამენტში მარნეულისა და გარდაბნის მაჟორიტარი დეპუტატი ზაურ დარგალი, თეთრიწყაროს მუნიციპალიტეტის მერი გიორგი წიკლაური, „საქართველოს მელიორაციის“ გენერალური დირექტორი თენგიზ ნასარიძე და ადგილობრივი და ცენტრალური ხელისუფლების წარმომადგენლენი

#ქვემოქართლისრეგიონი
#მელიორაცია
#სოფლისმეურნეობა2022