28-29 მაისს სოფლის მეურნეობის დარგების პოპულარიზაციის  მიზნით სპეციალური ტრენინგ-კურსები გარდაბნის მუნიციპალიტეტის სართიჭალის კულტურის სახლში გაიმართა.

სპიკერად მოწვეული იყო ლევან უჯმაჯურიძე- პროფესორი, სოფლის მეურნეობის სამეცნიერო კვლევითი ცენტრის დირექტორი და მარიამ ხომასურიძე - ენოლოგი, საქართველოს ტექნიკური უნივერსიტეტის პროფესორი. 

ორ დღიანი კურსი სრულად დაეთმო  მევენახეობისა და მეღვინეობის შესწავლას. ტრენინგის ბოლოს კი, გაიცა ორ ენოვანი სერტიფიკატი.

უნდა ავღნიშნოთ, რომ პროექტი მასშტაბურია და გულისხმობს ქვემო ქართლის რეგიონის მუნიციპალიტეტებში სოფლის მეურნეობის სხვადასხვა დარგის პოპულარიზაციისა და ხელშეწყობის მიზნით ტრენინგ კურსების გაგრძელებას. 

კურსს, ქვემო ქართლში სახელმწიფო რწმუნებული, გიორგი დოხტურიშვილი ცენტრალური და ადგილობრივი ხელისუფლების და ღვინის გილდიის წარმომადგენლებთან ერთად დაესწრო.

,,ჩვენთვის მნიშველოვანი და პრიორიტეტულია გავაძლიეროთ სოფლის მეურნეობა. მომავალ კურსებზე ველოდებით უფრო მეტ დაინტერესებულ ადამიანს, რადგან ჩვენი მიზანია, ხელი შევუწყოთ ფერმერებსა და მცირე საოჯახო მეურნეობების წარმომადგენლებს და მივცეთ საჭირო ცოდნა და გამოცდილება საქმიანობის უკეთ წარმართვაში“ - აღნიშნა გიორგი დოხტურიშვილმა                                                                                                                                                                                                                                  

#ქვემოქართლისრეგიონი
#ღვინისკულტურისპოპულარიზაცია