ქვემო ქართლში სახელმწიფო რწმუნებული გიორგი დოხტურიშვილი მარნეულის მუნიციპალიტეტის მერთან, კენან ომაროვთან ერთად საქართველოს დამოუკიდებლობის დღესთან დაკავშირებით გამართული ღონისძიებების ფარგლებში, მარნეულის მუნიციპალიტეტს ესტუმრა. 

აღნიშნული ღონისძიება მთავრობის ადმინისტრაციის ორგანიზებითა და სამინისტროების ჩართულობით გაიმართა.

გიორგი დოხტურიშვილმა ღონისძიებაზე დამსწრე საზოგადოებას სიტყვით მიმართა და კიდევ ერთხელ ხაზი გაუსვა საქართველოს ნათელ და მკაფიო განაცხადს: 
,,ჩვენი ისტორიით, ფასეულობებითა და ღირებულებებით გვინდა და ვთანხმდებით ევროპულ ოჯახში დაბრუნებაზე“.

აღსანიშნავია, რომ დღეს მარნეულისა და ჰუჯაბის ეპისკოპოსმა, მეუფე გიორგი ჯამდელიანმა ეპარქიის სამღვდელოებასთან, ცენტრალურ და ადგილობრივ ხელისუფლების წარმომადგენლებთან ერთად ქალაქ მარნეულის შემოსასვლელში, საქართველოს ხუთ ჯვრიანი დროშა აკურთხა და აღმართა. ასევე სახელმწიფო რწმუნებულმა მერაბ კოსტავას ბიუსტი, საზეიმოდ, ყვავილებით შეამკო.

მარნეულის მუნიციპალიტეტში 26 მაისის ღონისძიების ფარგლებში განთავსდა  სხვადასხვა შემეცნებითი, ისტორიული და  საგამოფენო სტენდები, ასევე მოეწყო  საბავშვო სივრცეები.  

#26მაისი
#ესდღეჩვენია
#ევროპისკენ