საქართველოს პარლამენტის თავმჯდომარე, შალვა პაპუაშვილმა, ქვემო ქართლის სახელმწიფო რწმუნებულთან, გიორგი დოხტურიშვილთან ერთად ბოლნისის მუნიციპალიტეტში „ისტორიულ-კულტურულ ტრადიციებთან შეუსაბამო გვარის შეცვლის უფლების შესახებ“ კანონპროექტთან დაკავშირებით, მოსახლეობასთან და სამოქალაქო აქტივისტებთან შეხვედრა გამართა.

ბოლნისის ახალ მუზეუმში გამართულ შეხვედრას საქართველოს პარლამენტის წევრები, ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი, ბოლნისის მუნიციპალიტეტის მერი დავით შერაზადიშვილი დაესწრნენ.

საქართველოს პარლამენტში ინიცირებული კანონპროექტი ეთნიკური უმცირესობების წარმომადგენლებისთვის ავთენტური, ანუ მათი ეთნიკური ტრადიციებისა და კულტურული იდენტობისთვის დამახასიათებელი პრინციპით შექმნილი გვარის მინიჭების ეფექტიანი მექანიზმის შექმნას ითვალისწინებს.