ქვემო ქართლში სახელმწიფო რწმუნებული, გიორგი დოხტურიშვილი, მარნეულისა და გარდაბნის მაჟორიტარი დეპუტატი საქართველოს პარლამენტში, ზაურ დარგალი, მარნეულის მერი, კენან ომაროვი და საკრებულოს თავმჯდომარე, ამირან გიორგაძე, მარნეულში მოსწავლე მოკრივეთა შორის გამართულ საქართველოს ჩემპიონატს დაესწრნენ.  

მუნიციპალიტეტმა,  საქართველოს ეროვნულ ჩემპიონატს 2008-2009 წლებში დაბადებულ მოკრივეთა შორის უმასპინძლა.

ცენტრალური და ადგილობრივი ხელისუფლების პირებმა, ფინალურ ორთაბრძოლებში გამარჯვებულები სიგელებით და თასებით დააჯილდოვეს.

ღონისძიებას საქართველოს კრივის ფედერაციის პრეზიდენტი, დავით წიკლაური, მარნეულის თვითმმართველობის ხელმძღვანელი პირები, სპორტსმენები და მოწვეული სტუმრები დაესწრნენ.