ქალაქ მარნეულში, 2000 გულშემატკივრისთვის განკუთვნილი, თანამედროვე სტანდარტების შესაბამისი სტადიონი შენდება. 
 
კომპლექსში  გასახდელები, სველი წერტილები, სწრაფი კვების სივრცეები და სხვა სამეურნეო სათავსები მოეწყობა.
 
დამონტაჟდება ძირითადი სტადიონის განათების, გახმოვანების, სახანძრო სისტემები და სპეციალური სივრცეები ტელერეპორტაჟებისათვის. 

სტადიონი სრულად იქნება ადაპტირებული განსაკუთრებული საჭიროების მქონე პირებისთვის. 

ახალი სტადიონი ქალაქისა და რეგიონის ახალგაზრდებში ჯანსაღი ცხოვრების წესის დამკვიდრებას შეუწყობს ხელს. 

პროექტს საქარველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი საქართველოს მთავრობის დაფინანსებით ახორციელებს, მისი ღირებულება 8.1 მილიონ ლარია.