ქვემო ქართლში სახელმწიფო რწმუნებული გიორგი დოხტურიშვილი, მარნეულის მუნიციპალიტეტის პირველ საჯარო სკოლაში, ადგილობრივი თვითმმართველობის ხელმძღვანელ პირებთან ერთად, ქართული ენის დღისადმი მიძღვნილ ღონისძიებას დაესწრო.

გიორგი დოხტურიშვილმა, მოსწავლეებსა და პედაგოგებს ქართული ენის დღე მიულოცა, სახელმწიფო ენის ცოდნის აუცილებლობაზე ისაუბრა და პედაგოგებს, სწავლების პროცესში შეტანილი განსაკუთრებული წვლილისთვის, მადლობა გადაუხადა.

ღონისძიების ფარგლებში, რეგიონისა და მუნიციპალიტეტის პირველმა პირებმა, ადგილობრივი საჯარო სკოლების წარჩინებული კურსდამთავრებულები ოქროსა და ვერცხლის მედლებით დააჯილდოვეს.

აღსანიშნავია, რომ 1978 წლის 14 აპრილის მოვლენების აღსანიშნავად,  დედაენის დღე საქართველოში 1990 წლიდან აღინიშნება. ამ თარიღთან დაკავშირებით, ქვემო ქართლის რეგიონში, ტრადიციულად, ყოველ წელს, სხვადასხვა სახის ღონისძიებები ეწყობა.