საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
28 იანვარი 2022
ქვემო ქართლში სახელმწიფო რწმუნებულის, გიორგი დოხტურიშვილის ინიციატივით, რეგიონის მასშტაბით, წლების განმავლობაში არსებული პრობლემის - ქუჩების სახელდების პროცესი დაიწყება.
საკითხთან დაკავშირებით, სამხარეო ადმინისტრაციაში, გიორგი დოხტურიშვილის ხელმძღვანელობით, მორიგი სამუშაო შეხვედრა გაიმართა, რომელსაც რწმუნებულის მოადგილეები, მუნიციპალიტეტების მერები და საკრებულოს თავმჯდომარეები, ასევე, რეგიონული განვითარებისა და ინფრასტრუქტურის სამინისტროსა და საჯარო რეესტრის ეროვნული სააგენტოს წარმომადგენლები დაესწრნენ.
შეხვედრის მიმდინარეობისას სახელმწიფო რწმუნებულმა, ქუჩების სახელდების თემის აქტუალობაზე ისაუბრა, რომელიც ამ ეტაპამდე, რეგიონის მოსახლეობის დიდი ნაწილის პრიორიტეტულ საჭიროებას წარმოადგენს.
მხარეებმა დალოგის რეჟიმში იმსჯელეს ამ მიმართულებით ერთობლივად განსახორციელებელი გეგმებზე. საუბარი შეეხო პროცედურულ ნორმებს, რომლებიც კომპეტენტური უწყებების მიერ შემუშავებული რეკომენდაციების მიხედვით ხორციელდება.
დღესვე, მხარისა და მუნიციპალიტეტების ხელმძღვანელმა პირებმა, რეგიონში სხვადასხვა მიმართულებით არსებული აქტუალური საკითხები, მათ შორის ინფრასტრუქტურული პროექტების მიმდინარეობა, დიალოგის რეჟიმში განიხილეს.