საქართველოს მთავრობის გადაწყვეტილებით, მარნეულში 25 ოჯახს, საცხოვრებელი ფართები, საკუთრებაში სიმბოლურ ფასად 1 ლარად გადაეცა. 

სიახლის შესახებ ინფორმაცია მოსახლეობას ქვემო ქართლში სახელმწიფო რწმუნებულმა გიორგი დოხტურიშვილმა, მარნეულის მერმა კენან ომაროვმა და საკრებულოს თავმჯდომარე ამირან გიორგაძემ გააცნეს, მთავრობის განკარგულების ასლები გადასცეს და მრავალწლიანი ლოდინის შემდეგ, ბინების საკუთრებაში გადაცემა მიულოცეს. 

ოჯახებს, რომლებმაც ფართის დაკანონების შესახებ ინფორმაცია უკვე მიიღეს, ბინის კანონიერი მესაკუთრეობისთვის მხოლოდ საჯარო რეესტრის შესაბამისი რეგისტრაცია დასჭირდებათ.

აღსანიშნავია, რომ მარნეულის მერიაში ამ ეტაპზე დაახლოებით 70 განაცხადზე  მიმდინარეობს საჭირო დოკუმენტაციის მომზადება, რომელიც მუნიციპალიტეტის შუამდგომლობით სახელმწიფო ქონების ეროვნულ სააგენტოს გადაეგზავნება.