ქვემო ქართლში სახელმწიფო რწმუნებულმა, გიორგი დოხტურიშვილმა, მარნეულში, რეგიონისა და მუნიციპალიტეტის ხელმძღვანელ პირებთან ერთად, ადმინისტრაციის თანამშრომლებს მერის მოადგილეები წარუდგინა. 

სახელმწიფო რწმუნებულმა, სიტყვით გამოსვლისას, მუნიციპალურ დონეზე სწორი საკადრო პოლიტიკის  მნიშვნელობაზე გაამახვლა ყურადღება და აღნიშნა, რომ რეგიონის შემდგომ  განვითარებაზე ამ მიმართულებით მიღებული მართებული გადაწყვეტილებები დადებითად აისახება. 

,,მარნეულის მუნიციპალიტეტში წარვადგინეთ მერის მოადგილეები, რომლებსაც საკანონმდებლო და აღმასრულებელ ხელისუფლებაში მუშაობის მრავალწლიანი გამოცდილება აქვთ.  წარმატებებს ვუსურვებ მათ შემდგომ საქმიანობაში, მუნიციპალიტეტის მერს კი მადლობას ვუხდი სწორი  საკადრო პოლიტიკისთვის“  - განაცხადა გიორგი დოხტურიშვილმა. 

მარნეულის მუნიციპალიტეტის მერის, ქენან ომაროვის პირველ მოადგილედ როინ დეკანოიძე დაინიშნა, მეორე და მესამე მოადგილეების პოზიციები კი თემურ შუბითიძემ და ზურაბ ფანგანმა დაიკავეს.