საქართველოს პრემიერ-მინისტრის განკარგულების შესაბამისად, ქვემო ქართლის რეგიონში, დამატებით 8 დასახლებული პუნქტი გაზიფიცირდება.

მოსახლეობის ბუნებრივი აირით მომარაგების ხელშეწყობისთვის, 2022-2024 წლებში, გათვალისწინებულ ღონისძიებებში ცვლილება შევიდა  - განახლებული გეგმის ფარგლებში, რეგიონში, გაზიფიცირებისთვის საჭირო პროცედურები  თეთრიწყაროს მუნიციპალიტეტის 8 დასახლებულ პუნქტში განხორციელდება.  

განკარგულების შესაბამისად 2022 წელს, სოფელ აბელიანში, ჩხიკვთაში და ტბისში სამშენებლო სამუშაოები, ხოლო ჭივჭავში (ადმინისტრაციული ერთეული), დიდ თონეთში, ღოლოვანში, ორბეთსა და ახალ ზირბითში საპროექტო სამუშაოები ჩატარდება.

აღსანიშნავია, რომ რეგიონში, 2012 წლიდან დღემდე, ბუნებრივი აირის მიწოდების ქსელში ჩართვის საშუალება  დამატებით 25 261 ოჯახს მიეცა - მათ შორის, ბუნებრივი აირით უკვე სარგებლობენ ისეთ ქალაქებში, სოფლებსა და დასახლებებში, სადაც აღნიშნული შესაძლებლობა არასოდეს ყოფილა.