მარდალეიშვილის სამედიცინო ცენტრის ინიციატივითა და ორგანიზებით რუსთავში მცხოვრებ 7 სოციალურად დაუცველ, მრავალშვილიან ოჯახს სასკოლო ასაკის ბავშვებისთვის პლანშეტები, საკანცელარიო ნივთები და ფულადი თანხები გადაეცა.

ღონისძიებას ქვემო ქართლში სახელმწიფო რწმუნებული შოთა რეხვიაშვილი, მარდალეიშვილის სამედიცინო ცენტრის ხელმძღვანელი, პროფესორი, კონსტანტინე მარდალეიშვილი, საზოგადოებასთან ურთიერთობის განყოფილების უფროსი, თამარ მურუსიძე და კლინიკის თანამშრომლები დაესწრნენ.

შოთა რეხვიაშვილმა, კლინიკის ხელმძღვანელს მადლობა გადაუხადა და აღნიშნა, რომ მიუხედავად სახელმწიფოს მიერ განხორციელებული მრავალმხრივი დახმარებისა, ოჯახების საჭიროებების უზრუნველყოფა და სოციალური პასუხისმგებლობის ფარგლებში განხორციელებული აღნიშნული აქტივობა განსაკუთრებულად დასაფასებელი და მნიშვნელოვანია.