სოფლის განვითარების სააგენტოს ხელშეწყობით, გარდაბნის მუნიციპალიტეტში ახალი საწარმო ამოქმედდა.

სოფელ სართიჭალაში თანამედროვე სტანდარტებით აღჭურვილი საშრობი და მარცვლეულის შესანახი კომპლექსი შპს „სართიჭალის საშრობი“ სახელმწიფოს ფინანსური მხარდაჭერით მოეწყო.

ახლადგახსნილი საწარმო გარემოს დაცვისა და სოფლის მეურნეობის მინისტრმა ლევან დავითაშვილმა და ქვემო ქართლში სახელმწიფო რწმუნებულმა შოთა რეხვიაშვილმა დაათვალიერეს.

შემნახველი ინფრასტრუქტურის მოსაწყობად 3 მილიონი ლარის ინვესტიცია განხორციელდა, მათ შორის 500,000 ლარი სოფლის განვითარების სააგენტოს გრანტია, ხოლო 300,000 ლარი შეღავათიანი აგროკრედიტი.

„სართიჭალის საშრობში“, სადაც 10 ადგილობრივია დასაქმებული 9,000 ტონა მარცვლეულის გაშრობაა შესაძლებელი.

საგრანტო პროგრამის ფარგლებში ქვემო ქართლის რეგიონში შეიქმნა 10 შემნახველი მეურნეობა - სახელმწიფოს მხრიდან თანადაფინანსება, ჯამურად,5,2 მლნ ლარზე მეტია.