რეგიონში მასობრივი იმუნიზაცია აქტიურად გრძელდება - მიმდინარე პროცესს, ქვემო ქართლში სახელმწიფო რწმუნებული, შოთა რეხვიაშვილი, ამჯერად, მარნეულში, მუნიციპალიტეტის მერის მოვალეობის შემსრულებელთან, ზაურ ტაბატაძესთან ერთად გაეცნო.

მასობრივი ვაქცინაცია „მედიქსის“ პოლიკლინიკაში გაიმართა და 140 მოქალაქე სინოვაკისა და სინოფარმის ვაქცინით აიცრა.

ამ ეტაპზე, მუნიციპალიტეტის მასშტაბით, ვაქცინაცია 4 სამედიცინო დაწესებულებაში მიმდინარეობს.

კლინიკებში იმუნიზაცია ჯანმრთელობის მსოფლიო ორგანიზაციის მიერ ავტორიზებული ვაქცინებით „სინოფარმი“, „სინოვაკი“, „ასტრაზენეკა” და ,,ფაიზერით“ კეთდება. რეგისტრაცია შესაძლებელია, როგორც ელექტრონული პორტალის - https://booking.moh.gov.ge მეშვეობით, ასევე, პირდაპირი ვიზიტის დროსაც. გარდა ამისა, ადგილის დასაჯავშნად, მოქმედებს ერთიანი სამთავრობო ცხელი ხაზის სპეციალური ნომერი - 144-3.