შერიგებისა და სამოქალაქო თანასწორობის საკითხებში სახელმწიფო მინისტრი, თეა ახვლედიანი, ქვემო ქართლში სახელმწიფო რწმუნებული, შოთა რეხვიაშვილი, განათლებისა და მეცნიერების მინისტრის მოადგილე, ნუნუ მიცკევიჩი და მარნეულის მერის მოვალეობის შემსრულებელი, ზაურ ტაბატაძე, ვაქცინაციის შესახებ საინფორმაციო კამპანიის ფარგლებში, ზურაბ ჟვანიას სახელობის სახელმწიფო ადმინისტრირების სკოლის პედაგოგებსა და ბენეფიციარებს შეხვდნენ.

შეხვედრას, ცენტრალური და ადგილობრივი ხელისუფლების ხელმძღვანელ პირებთან ერთად, ჟვანიას სკოლის დირექტორი, ქეთევან ჯაყელი და ექიმ-ალერგოლოგი ბიძინა კულუმბეგოვი ესწრებოდნენ.

სახელმწიფო უწყებების წარმომადგენლებმა, აუდიტორიასთან, ქვეყანაში არსებული კოვიდ-ვითარების შესახებ ისაუბრეს და მასობრივი იმუნიზაციის პროცესში, მოქალაქეთა ჩართულობის მნიშვნელობაზე გაამახვილეს ყურადღება. ბიძინა კულუმბეგოვმა კი, შეხვედრის მიმდინარეობისას ვაქცინაციის შესახებ მათ დეტალური ინფორმაცია მიაწოდა.