ქალაქ მარნეულის კულტურის ცენტრში, ქართული სიმღერის კონკურს-ფესტივალის - „სხვა საქართველო სად არის“, გამარჯვებულთა და ლაურეატთა, გალა-კონცერტი გაიმართა.

ღონისძიებას ქვემო ქართლში სახელმწიფო რწმუნებულის მოადგილე, კახა კობერიძე დაესწრო და გრანპრის მფლობელი პირადად დააჯილდოვა.

აღსანიშნავია, რომ მარნეულის მუნიციპალიტეტმა უკვე მეხუთედ უმასპინძლა კონკურს-ფესტივალს ,,სხვა საქართველო სად არის“. ეს არის პროექტი, სადაც ქართველი და ეთნიკური უმცირესობების წარმომადგენელი ახალგაზრდები, ერთნაირი მონდომებითა და ინტერესით სწავლობენ ქართულ ტრადიციულ სიმღერებს და ახდენენ საკუთარი შესაძლებლობების რეალიზებას.

პროექტი, კავშირი „დემოსის“ და შოთა რუსთაველის თეატრისა და კინოს სახელმწიფო უნივერსიტეტის სასწავლო ცენტრის ინიციატივით შემუშავდა, რომლის ფარგლებში, კონკურსანტებისთვის, მასტერკლასები ცნობილმა ქართველმა კომპოზიტორებმა ჩაატარეს.