თეთრიწყაროს ტურისტული რესურსების გაცნობისა და პოპულარიზაციის მიზნით, ქვემო ქართლში სახელმწიფო რწმუნებულის ადმინისტრაციის მხარდაჭერითა და მუნიციპალიტეტის მერიის ორგანიზებით, ქალაქ თეთრიწყაროში, ღონისძიება, სახელწოდებით - „წამო თეთრიწყაროში” გაიმართა. თემატური აქტივობის ფარგლებში,  „ციყვების პარკის“ ტერიტორიაზე სახვითი და გამოყენებითი ხელოვნების ნიმუშებისა და ადგილობრივი კულინარიული პროდუქტების გამოფენა-გაყიდვა მოეწყო. ახალი პროექტების შესახებ, პეზენტაციის ფორმატში ისაუბრეს ალგეთის ეროვნული პარკის ადმინისტრაციის წარმოდგენლებმა.

ღონისძების სტუმრებს სიტყვით მიმართეს ქვემო ქართლში სახელმწიფო რწმუნებულის მოადგილე კახა კობერიძემ და საქართველოს პარლამენტის წევრმა, გოდერძი ჩანქსელიანმა. ხელისუფლების, აკადემიური წრეებისა და ტურიზმის სფეროს წარმომადგენლებმა დისკუსიის რეჟიმში განიხილეს თეთრიწყაროს ტურისტული პოტენციალი და დასახეს სამომავლო გეგმები.

დღის განმავლობაში, რეგიონისა და მუნიციპალიტეტის ხელმძღვანელმა პირებმა და უმაღლესი საგანმანათლებლო დაწესებულებების წარმომადგენლებმა, მხარეში, ტურიზმის სფეროს კიდევ უფრო მეტად განვითარების პერსპექტივებზე სამუშაო შეხვედრის ფორმატშიც იმსჯელეს - საუბარი შეეხო, რომუალდო დელ ბიანკოს ფონდსა და ახალ უმაღლეს სასწავლებელს  შორის გაფორმებულ მემორანდუმს, რომლის ფარგლებშიც, ქვემო ქართლში სახელმწიფო რწმუნებულის ადმინისტრაციის, პროფესორ-მასწავლებლებისა და სტუდენტების ჩართულობით, რეგიონის შესახებ  მომზადდა შესაბამისი საინფორმაციო მასალა და განთავსდა მსოფლიოს ტურისტულ პორტალზე - „ტურიზმი საზღვრების გარეშე“. შეხვედრაზე, ნოემბრის თვეში ფლორენციაში დაგეგმილი გამოფენის -  „ფლორენცია მსოფლიოში, მსოფლიო ფლორენციაში“ შესახებაც ისაუბრეს, სადაც ქვემო ქართლის ტურისტული პოტენციალიც იქნება წარმოდგენილი.