ქვემო ქართლში სახელმწიფო რწმუნებულის მოადგილე კახა კობერიძე და მარნეულის მუნიციპალიტეტის მერის მოვალეობის შემსრულებელი ზაურ ტაბატაძე კონკურს-ფესტივალის, ,,სხვა საქართველო სად არის", გახსნის ღონისძიებას დაესწრნენ. 

აუდიტორიის წინაშე სხვადასხვა ასაკობრივი კატეგორიის, ინდივიდუალური შემსრულებლები და გუნდები წარდგნენ, რომლებიც ქართული ესტრადის ცნობილმა წარმომადგენლებმა შეაფასეს. 

აღსანიშნავია, რომ მარნეულის მუნიციპალიტეტმა უკვე მეხუთედ უმასპინძლა კონკურს-ფესტივალს ,,სხვა საქართველო სად არის“. ეს არის პროექტი, სადაც ქართველი და ეთნიკური უმცირესობების წარმომადგენელი ახალგაზრდები, ერთნაირი მონდომებითა და ინტერესით სწავლობენ ქართულ ტრადიციულ სიმღერებს და ახდენენ საკუთარი შესაძლებლობების რეალიზებას.

პროექტი, კავშირი „დემოსის“ და შოთა რუსთაველის თეატრისა და კინოს სახელმწიფო უნივერსიტეტის სასწავლო ცენტრის ინიციატივით შემუშავდა, რომელის ფარგლებში, კონკურსანტებისთვის, მასტერკლასებს ცნობილი ქართველი კომპოზიტორები ატარებენ.

კონკურს-ფესტივალის მხარდამჭერი საქართველოს კულტურის, სპორტისა და ახალგაზრდობის სამინისტრო, ქვემო ქართლში სახელმწიფო რწმუნებულის ადმინისტრაცია და რეგიონის ორი მუნიციპალიტეტია.