ქვემო ქართლში სახელმწიფო რწმუნებული შოთა რეხვიაშვილი, გაეროს ბავშვთა ფონდის და დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით, მარნეულში, COVID-19-ის საწინააღმდეგო ვაქცინაციასთან დაკავშირებით, გამართულ საინფორმაციო შეხვედრას დაესწრო.

ღონისძიებაზე დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი, ამირან გამყრელიძე, საქართველოში გაეროს ბავშვთა ფონდის (UNICEF Georgia) წარმომადგენელი ღასან ხალილი, დარგის ექსპერტები, მედიცინის სფეროსა და ადგილობრივი ხელისუფლების წარმომადგენლები იმყოფებოდნენ.

საინფორმაციო შეხვედრის ფარგლებში, მხარეებმა ქვეყანაში კოვიდ 19-ის გავრცელების მიმართულებით არსებული სტატისტიკა განიხილეს. ყურადღება გამახვილდა ვაქცინაციის პროცესში აქტიური ჩართულობის და საზოგადოების მაქსიმალური ინფორმირებულობის აუცილებლობასა და მნიშვნელობაზე.

შეხვედრა კითხვა-პასუხის რეჟიმში მიმდინარეობდა - დამსწრე საზოგადოებამ მათთვის სანტერესო თემების შესახებ პასუხები, უშუალოდ ჯანდაცვის სფეროს ხელმძღვანელი პირებისგან, ექსპერტებისგან და ხელისუფლების წარმომადგენლებისგან მიიღეს.