დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ამირან გამყრელიძე ქვემო ქართლში სახელმწიფო რწმუნებულთან, შოთა რეხვიაშვილთან ერთად, ადგილობრივი თვითმმართველობების ხელმძღვანელ პირებს და საზოგადოებრივი ჯანდაცვის მუნიციპალურ წარმომადგენლებს შეხვდა. 

ხელისუფლებისა და ჯანდაცვის სფეროს წარმომადგენლებმა დიალოგის ფორმატში განიხილეს, რეგიონში კორონა-ვისურის გავრცელების პრევენციული ღონისძიებების მიმდინარეობა და არსებული საჭირობები. ყურადღება გამახვილდა მასობრივი ვაქცინაციის აუცილებლობასა და საზოგადოების სწორად ინფორმირების მნიშვნელობაზე. 

ქალაქში ვიზიტის ფარგლებში, ამირან გამყრელიძე რუსთავის ცენტრალურ საავადმყოფოსა და კლინიკა „რუსთავში” არსებულ ვითარებას გაეცნო. დღის ბოლოს კი მხარისა და ქალაქის ხელმძღვანელ პირებთან ერთად, მედიის წარმომადგენლებისთვის შემაჯამებელი პრესკონფერენცია გამართა.