სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

31-დღიანი მკაცრი საკარანტინო მდგომარეობის შემდეგ სოფელი გეტა გაიხსნა

15 ივნისი 2020


31-დღიანი მკაცრი საკარანტინო მდგომარეობის შემდეგ სოფელი გეტა გაიხსნა

ბოლნისის საზოგადოებრივი ჯანდაცვის ცენტრის რეკომენდაციითა და საქართველოს მთავრობის გადაწყვეტილებით, სოფელი გეტა გაიხსნა. 31-დღიანი მკაცრი საკარანტინო მდგომარეობის შემდეგ სოფელს წითელი ზონის სტატუსი მოეხსნა და ადგილობრივებს გადაადგილება, ყოველგვარი შეფერხების გარეშე შეუძლიათ.

სოფელში ბოლნისის მუნიციპალიტეტის მერი დავით შერაზადიშვილი იმყოფებოდა, რომელმაც მოსახლეობას, კარანტინის პერიოდში, შესაბამისი წესების მკაცრად დაცვისთვის მადლობა გადაუხადა და ჯანდაცვის სამინისტროს რეკომენდაციების მაქსიმალურად გათვალისწინების მნიშვნელობაზე კიდევ ერთხელ გაამახვილა ყურადღება.

სოფელ გეტას საკარანტინო ზონაში კორონავირუსის ბოლო დადასტურებული შემთხვევა 16 მაისს დაფიქსირდა. ამ პერიოდის განმავლობაში ეპიდემიოლოგებმა სოფელში PCR ტესტირების მეთოდით მოსახლეობის კვლევა რამდენჯერმე განახორციელეს.

ბოლნისის მერიამ, სოფელში არაერთი პერევნციული ღონისძიება გაატარა, მუნიციპალიტეტმა ყველა ოჯახს სასურსათო პაკეტები გადასცა. გეტაში ასევე აქტიურად მიმდინარეობდა საინფორმაციო კამპანია.

აღსანიშნავია, რომ მკაცრი საკარანტინო მდგომარეობა ნარჩუნდება სოფელ მუშევანში, სადაც ეპიემიოლოგები მუშაობას კვლავ აქტიურად გააგრძელებენ.


  • 31-დღიანი მკაცრი საკარანტინო მდგომარეობის შემდეგ სოფელი გეტა გაიხსნა