ქვემო ქართლში სახელმწიფო რწმუნებულმა შოთა რეხვიაშვილმა და რუსთავის მერმა ირაკლი ტაბაღუამ ქალაქის მასშტაბით მოწყობილი ბლოკ-პოსტები მოინახულეს და ადგილზე არსებულ ვითარებას პირადად გაეცნენ.

რუსთავში, ოთხ ლოკაციაზე საკონტროლო გამშვები პუნქტების მოწყობის სამუშაოები გუშინ გვიან ღამით დაიწყო.

ოთხივე ბლოკპოსტთან მოწყობილია ჰოსპიტალები, ადგილზე მყოფი შინაგან საქმეთა და თავდაცვის სამინისტროს წარმომადგენლები მედიკოსებთან ერთად, მკაცრად აკონტროლებენ გზებზე მოძრავ ავტოსანტრანსპორტო საშუალებებს, მგზავრთა რაოდენობასა და ჯანმრთელობის მდგომარეობას, რომელიც მოქალაქეების თერმოსკრინინგს გულისხმობს.