ქვემო ქართლში სახელმწიფო რწმუნებული, შოთა რეხვიაშვილი, ბოლნისის მუნიციპალიტეტის მერთან, დავით შერაზადიშვილთან ერთად, სოფელ ბალიჭში, სამკურნალო დანიშნულების მქონე საპნების წარმოების პროცესს გაეცნო.

ბოლნისელმა პედაგოგმა, მაია დევნოზაშვილმა, ,,დემას“ საპნების დამზადება, პროგრამა ,,აწარმოე საქართველოში“ ფარგლებში მოპოვებული 5 ათას ლარიანი დაფინანსებით დაიწყო, წარმოებისთვის საჭირო პროდუქცია და ინვენტარი შეიძინა და ადგილზე რამდენიმე ადგილობრივიც დაასაქმა. 17 სახეობის, სამკურნალო თვისებებისა და ანთებითი დაავადებების საწინააღმდეგო საპონის შეძენა უკვე, რამდენიმე სააფთიაქო ქსელშია შესაძლებელი.

აღსანიშნავია, რომ საპონი ხელით, მინიმალური ელექტრო ჩარევით მზადდება და არ შეიცავს ქიმიურ დანამატებს.