ვიცე - პრემიერმა, იუსტიციის მინისტრმა, თეა წულუკიანმა, ბოლნისში იუსტიციის სახლი საზეიმოდ გახსნა.

ღონისძიებას ქვემო ქართლში სახელმწიფო რწმუნებული, შოთა რეხვიაშვილი, საქართველოს პარლამენტში ბოლნისის მაჟორიტარი დეპუტატი, გოგი მეშველიანი, მუნიციპალიტეტის მერი, დავით შერაზადიშვილი, ადგილობრივი ხელისუფლებისა და დიპლომატიური კორპუსის წარმომადგენლები დაესწრნენ.

მოსახლეობა იუსტიციის სახლში სხვადასხვა საჯარო უწყების და კერძო სექტორის 450-ზე მეტი სერვისით ისარგებლებს. ადგილზე ქორწინების სახლიც განთავსდა - ამ დრომდე ბოლნისის მუნიციპალიტეტში შესაბამისი სივრცე არ არსებობდა.

იუსტიციის სახლის მშენებლობა ბოლნისში ვიცე - პრემიერის, იუსტიციის მინისტრის, თეა წულუკიანის, ინიციატივით, 2018 წლის დეკემბერში დაიწყო. ფილიალის საერთო ფართი 1 300 კვადრატული მეტრია.

აღსანიშნავია, რომ ქვემო ქართლის რეგიონში, დღეიდან 3 იუსტიციის სახლი და 10 საზოგადოებრივი ცენტრი ფუნქციონირებს. იუსტიციის სახლის მშენებლობა მიმდინარეობს გარდაბნის მუნიციპალიტეტშიც.