ქვემო ქართლში სახელმწიფო რწმუნებულმა შოთა რეხვიაშვილმა და გარდაბნის მუნიციპალიტეტის მერიისა და საკრებულოს ხელმძღვანელმა პირებმა, კომპანია GWP-ის  კომერციულ დირექტორთან გიორგი სვანიშვილთან სამუშაო შეხვედრა გამართეს.

საუბარი შეეხო ქ. გარდაბნისა და მუნიციპალიტეტის 15 სოფლის წყალმომარაგების პროცესს და მოსახლეობის მხრიდან არსებული დავალიანების დაფარვის საკითხს, რომელიც დაახლოებით მილიონ ლარს შეადგენს. ხელისუფლებისა და  კომპანიის წარმომადგენლებმა დიალოგის რეჟიმში განიხილეს პრობლემის მოგვარების გზები, მოლაპარაკების საფუძველზე ამ ეტაპზე მოსახლეობას წყალმომარაგება არ შეუწყდება.

გარდაბნის მუნიციპალიტეტი, არსებული საჭიროების შესაბამისად აღნიშნულ ლოკაციებზე წყლის შიდა სქელების ინფრასტრუქტურის მოწყობის და გამრიცხველიანების პროცესს, შესაბამის უწყებებთან თანამშრომლობით, უახლოეს პერიოდში დაიწყებს.