რუსთავში, ღია დიალოგის ფარგლებში, მორიგი შეხვედრა მოგობრობის ქუჩის, XVII, XIV, XXI და VIII მიკრორაიონების მცხოვრებლებთან გაიმართა.
ქვემო ქართლში სახელმწიფო რწმუნებულმა, შოთა რეხვიაშვილმა და ადგილობრივი ხელისუფლების წარმომადგენლებმა, მოსახლეობის საჭიროებები მოისმინეს და გადაჭრის გზებზე ერთობლივად იმსჯელეს.

შეხვედრების მიმდინარეობისას მოსახლეობამ ყურადღება გაამახვილა, ქალაქში ეკოლოგიური მდგომარეობის გაუმჯობესების, საცხოვრებელი ფართებისა და მიწის ნაკვეთების დაკანონების, დასაქმების, კორპუსების მიმდებარედ გამართული საკანალიზაციო სისტემების მოწყობის, ლიფტებისა და სადარბაზოების რეაბილიტაციის, შიდა და საქალაქთაშორისო ტრანსპორტის მომსახურების გაუმჯობესებასა და სხვა სოციალურ პრობლემებზე.

საუბარი შეეხო მომავალი წლის ბიუჯეტში გასათვალისწინებელ ინფრასტრუქტურულ სამუშაოებს, რომელიც მოსახლეობის ინტერესების გათვალისწინებით, ქალაქის სხვადასხვა ქუჩებზე განხორციელდება.

აღსანიშნავია, რომ ხელისუფლების წარმომადგენლები, ღია დიალოგის ფარგლებში, მოსახლეობასთან შეხვედრებს, ქალაქის მასშტაბით, ეტაპობრივად გამართავენ.