ქვემო ქართლში სახელმწიფო რწმუნებული, შოთა რეხვიაშვილი, საქართველოს პარლამენტში მარნეულის მაჟორიტარი დეპუტატი, თამაზ ნავერიანი და მუნიციპალიტეტის მერი, ზაურ დარგალი  სოფელ დიოკნისის, ქუთლიარის, ბაიდარის, ლეჟბადინის, დიდი მუღანლოს,
კაპანახჩის, ქესალოსა და ილმაზლოს მცხოვრებლებს შეხვდნენ.

ღია დიალოგის ფარგლებში ხელისუფლების წარმომადგენლებმა და ადგილობრივებმა, ერთობლივად განიხილეს სოფლების წინაშე მდგარი საჭიროებები, რომელიც ძირითადად საბაზისო ინფრასტრუქტურის მოწყობას გულისხმობს. მოსახლეობასთან ერთად დაიგეგმა მომდევნო წლის სამოქმედო გეგმის პრიორიტეტული მიმართულებები.

მიმდინარე წელს, მარნეულის  მუნიციპალიტეტში 17 000 000 ლარზე მეტი ღირებულების, 180-მდე პროექტი ხორციელდება, რომლის ფარგლებში, წესრიგდება საგზაო ინფრასტრუქტურა, მიმდინარეობს ამბულატორიებისა და სასწრაფო სამედიცინო დახმარების ცენტრების მშენებლობა-რეაბილიტაცია, სკოლების შენობების რემონტი,  სოფლის მხარდაჭერის პროგრამის ფარგლებში განსახორციელებელი პროექტები და სტიქიის პრევენციის მიზნით დაგეგმილი სამუშაოები.