28-30 ოქტომბერს, USAID/Zrda და USAID/My Armenia-ს ინიციატივითა და ქვემო ქართლში სახელმწიფო რწმუნებულის ადმინისტრაციის მხარდაჭერით, საქართველოსა და სომხეთის მხარის წარმომადგენლებმა, ბოლნისის, დმანისის, თეთრიწყაროსა და მარნეულის მუნიციპალიტეტებში ტურისტული კომპანიებისთვის საინფორმაციო ტური მოაწყვეს.

აქტივობა მიზნად ისახავდა ტურიზმის სფეროში ქვეყნებს შორის თანამშრომლობის გაძლიერებას და მსოფლიო ბაზარზე მაღალი ხარისხის პროდუქტების წარდგენის ხელშეწყობას.

სამდღიანი ვიზიტის ფარგლებში მონაწილეები ტურიზმის მიმართულებით ქვეყნებში არსებულ საუკეთესო პრაქტიკას და რეგიონის ტურისტულ პოტენციალს ადგილზე პირადად გაეცნენ.

ტურიზმის სფეროში ცნობილი ბრიტანელი ექსპერტის, ჯეკ დელფის ხელმძღვანელობით გაიმართა ტრენინგი სახელწოდებით - „ორი ქვეყნის ტურისტული პოტენციალის განვითარება მარკეტინგული ინსტრუმენტების გამოყენებით”. დაისახა ურთიერთთანამშრომლობის სამომავლო პერსპექტივები.