საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
07 ივნისი 2019
7 ივნისს, ქვემო ქართლში სახელმწიფო რწმუნებული, შოთა რეხვიაშვილი საქართველოს კულტურის პალატის პრეზიდენტს, დავით ოქიტაშვილს შეხვდა.
სამხარეო ადმინისტრაციაში გამართულ სამუშაო შეხვედრაზე, მხარეებმა რეგიონში, მიმდინარე წლის ზაფხულში დაგეგმილი მულტიფუნქციური არტ-ფესტივალის შესახებ იმსჯელეს და საორგანიზაციო საკითხები გაიხილეს.
მასშტაბური ღონისძიება წელს მანგლისში, ღია ცის ქვეშ გაიმართება რომლის საკონცერტო ნაწილში, მონაწილეობას ყველა თაობის ცნობილი შემსრულებლები მიიღებენ და პროგრამა ყველა ასაკის მსმენელზე იქნება გათვლილი. არტ-ფესტივალის ფარგლებში დაგეგმილია რეგიონის მუნიციპალიტეტების პავილიონების მოწყობა, სადაც წარმოდგენილი იქნება ინფორმაცია მხარის ეთნო-კულტურული და ტურისტული პოტენციალის შესახებ.
აღსანიშნავია, რომ მასშტაბურ არტ-ფესტივალს, ქვემო ქართლის რეგიონი, ტრადიციულად, ყოველწლიურად უმასპინძლებს.