9 აპრილს, გარდაბნის მუნიციპალიტეტში სახალხო მსვლელობა გაიმართა, რომელში ქვემო ქართლში სახელმწიფო რწმუნებულის მოადგილე კახა კობერიძემ, გარდაბნის მუნიციპალიტეტის მერმა რამაზ ბუდაღაშვილმა, საკრებულოს თავმჯდომარემ, ტარიელ ჯანხოთელმა, თვითმმართველობის წარმომადგენლებმა და სასულიერო პირებმა მიიღეს მონაწილეობა. 

ხელისუფლების წარმომადგენლებმა გმირთა მემორიალი გვირგვინებით შეამკეს და დაღუპულთა ხსოვნას პატივი მიაგეს.
ადგილზე აღევლინა გარდაცვლილი გმირების სულების მოსახსენიებელი პარაკლისი, მოეწყო ტრაგიკული მოვლენების ამსახველი ფოტოების გამოფენა და გაიმართა ღონისძიება, რომელშიც მონაწილეობა ანსამბლმა ,,ბეთანიამ“, კულტურისა და ხელოვნების ცენტრის სართიჭალის ფილიალის აღსაზრდელებმა, ლევან დევდარიანის სახელობის საჯარო სკოლის მოსწავლეებმა და სოფელ გამარჯვების სკოლასთან არსებულმა ქართული ხალხური ცეკვის ანსამბლებმა მიიღეს.