7 ოქტომბერს, ქვემო ქართლის გუბერნატორი, საქართველოს პარლამენტში წალკისა და დმანისის მუნიციპალიტეტის მაჟორიტარ დეპუტატთან და მერთან ერთად, სოფელ დარაკოვში, სამებასა და კოხტაში ადგილობრივ მცხოვრებლებს შეხვდა. 

შოთა რეხვიაშვილი, მოსახლეობასთან შეხვედრის ფარგლებში, იმ სოფლებში იმყოფებოდა, სადაც ამ დრომდე, მთავარ საჭიროებად ბუნებრივი აირით უზრუნველყოფა, რიგ დასახლებებში კი წყალმომარაგების საკითხი რჩება. 

როგორც გუბერნატორმა მოსახლეობასთან საუბრისას აღნიშნა, ცენტრალური ხელისუფლების აქტიური ჩართულობით, უკვე მიმდინარეობს კონკრეტულ პროექტებზე მუშაობა და სოფლებში არსებული საჭიროებები ეტაპობრივად მოგვარდება.