18 სექტემბერს, „რუსთავქალაქობა 2018“-ის ფარგლებში, კულტურისა და დასვენების პარკში, ამფითეატრის სცენაზე, ლაშა ღლონტის და „ალილოს“ კონცერტი გაიმართა. 

ღონისძიების მიმდინარეობისას, ქვემო ქართლის გუბერნატორმა, შოთა რეხვიაშვილმა, „შეზღუდული შესაძლებლობების მქონე პირთა დახმარების ფონდის“ ხელმძღვანელს, გოჩა კაპანაძეს, რეგიონში მრავალწლიანი, აქტიური საქმიანობისთვის მადლობა გადაუხადა და ქალაქის საპატიო მოქალაქედ დაასახელა. 

საპატიო რუსთაველებად დასახელდნენ წმინდა გიორგის სახელობის ტაძრის წინამძღვარი, დეკანოზი, გიორგი გორგიძე და ექიმი, ლაურა მირაშვილი, რომლებიც ქალაქის საკრებულოს თავმჯდომარის მოადგილეებმა დააჯილდოვეს.

აღსანიშნავია, რომ ქალაქში, რუსთავქალაქობისადმი მიძღვნილი, საიუბილეო აქტივობები უკვე რამდენიმე დღეა აქტიურად მიმდინარეობს.