ბოლნისის მუნიციპალიტეტის სკოლებში ახალი სასწავლო წელი სხვადასხვა სახის ღონისძიებებით აღნიშნეს.

N5 საჯარო სკოლისთვის დღევანდელი დღე გამორჩეულად მნიშვნელოვანი იყო, ვინაიდან, სკოლის არსებობის მანძილზე პირველად, შენობას სრული რეაბილიტაცია ჩაუტარდა და თანამედროვე სტანდარტების შესაბამისად აღიჭურვა.

განახლებული სკოლა საზეიმოდ გაიხსნა. წითელი ლენტი ქვემო ქართლის გუბერნატორის მოადგილე, ზაურ დარგალმა და ბოლნისის მუნიციპალიტეტის მერმა, დავით შერაზადიშვილმა, ერთად გაჭრეს.

მხარისა და მუნიციპალიტეტის ხელმძღვანელმა პირებმა მოსწავლეებს, პედაგოგებსა და მშობლებს სიტყვით მიმართეს, სწავლის დაწყება მიულოცეს, წარმატებები უსურვეს და სკოლის განახლებული ინფრასტრუქტურა დაათვალიერეს.

N5 საჯარო სკოლა ათასწლეულის გამოწვევის ფონდის მიერ რეაბილიტირდა და შესაბამისი ინვენტარით აღიჭურვა.