ქვემო ქართლში სახელმწიფო რწმუნებული-გუბერნატორი, 3 და 8 მარტის დღესასწაულებთან დაკავშირებით მარნეულის მუნიციპალიტეტის სოფელ აზიზქენდში იმყოფებოდა. 

გრიგოლ ნემსაძემ ქალთა დღესასწაულები მიულოცა მარნეულის მუნიციპალიტეტში მცხოვრებ ლალა ყურბანოვას, რომელიც სოფელ აზიზქენდში 32 წელი, სახელმწიფო ენას ასწავლის აზერბაიჯანელ მოსწავლეებს. აღსანიშნავია, რომ მარნეულელ პედაგოგს 8 მარტს 72 წელი შეუსრულდება. 

რეგიონის გუბერნატორმა ყურადღება გაამახვილა ეთნიკური უმცირესობების წარმომადგენლებისთვის სახელმწიფო ენის სწავლების მნიშვნელობაზე და პედაგოგს მადლობა გადაუხადა ამ მიმართულებით ხანგრძლივი და ნაყოფიერი საქმიანობისთვის.