მოსახლებასთან შეხვედრის ფარგლებში გუბერნატორი სოფელ რაჭისუბანში იმყოფებოდა.

გრიგოლ ნემსაძემ სოფლის მცხოვრებლების საჭიროებები მოისმინა და კომპეტენციის ფარგლებში დახმარებას დაპირდა.

გუბერნატორმა და მუნიციპალიტეტის მერმა ადგილობრივებს სოფელში მიმდინარე წელს დაგეგმილი სამუშაოები გააცნეს. 
2018 წელს სოფელ რაჭისუბანში შიდა გზების მოასფალტებისთვის 500 000 ლარია გათვალისწინებული. მოსახლეობა რამდენიმე ათეული წელია პრობლემის მოგვარებას ითხოვდა.

აღსანიშნავია, რომ გასულ წელს სოფელ რაჭისუბნის ცენტრალური გზის მონაკვეთზე გარე განათების ქსელი მოეწყო, რომელიც თანამედროვე ლედ ნათურებით აღიჭურვა.