ქვემო ქართლში სახელმწიფო რწმუნებული-გუბერნატორი გრიგოლ ნემსაძე ბოლნისის მუნიციპალიტეტში სოფელ მამხუტის მოსახლებას შეხვდა და ადგილობრივების საჭიროებები მოისმინა.

მხარისა და ადგილობრივი ხელისუფლების წარმომადგენლებმა მოსახლეობას სოფლის განვითარების მიმართულებით დაგეგმილი სიახლეები გააცნეს და მათი მოსაზრებები მოისმინეს.

მამხუტში 2018 წელს დასრულდება რიტუალების სახლის მშენებლობა და დაიგეგმება საგზაო ინფრასტრუქტურის მოწესრიგების მიზნით განსახორციელებელი პროექტები.

აღსანიშნავია, რომ 2018 წლის ბიუჯეტის დაფინანსებით ბოლნისის მუნიციპალიტეტში უკვე გაწერილია 17 მსხვილი ინფრასტრუქტურული პროექტის განხორციელება, საერთო ღირებულებით 2 678 400 ლარი.

გარდა ამისა 2018 წელს რეგიონებში განსახორციელებელი პროექტების ფონდისა და ადგილობრივი მუნიციპალიტეტის თანადაფინანსებით დამტკიცებულია 12 ინფრასტრუქტურული პროექტი ღირებულებით 4 138 000 ლარი.