16 თებერვალს, ქვემო ქართლში სახელწიფო რწმუნებული-გუბერნატორი, ქალაქ დმანისის მოსახლეობას შეხვდა. გრიგოლ ნემსაძემ, ადგილობრივებს დეტალურად გააცნო 2018 წელს ადგილზე განსახორციელებელი და დაგეგმილი პროექტები.

რეგიონისა და მუნიციპალიტეტის ხელმძღვანელმა პირებმა მოსახლეობის საჭიროებები პირადად მოისმინეს და მათთან ერთად განსაზღვრეს, როგორც მიმდინარე, ასევე უახლოესი, რამდენიმე წლის პრიორიტეტები.

ქალაქ დმანისში 2018 წელს ადგილობრივი ბიუჯეტით დაფინანსდება მრავალბინიანი საცხოვრებელი კორპუსების სახურავების რეაბილიტაცია. პროექტის სავარაუდო ღირებულება 340 000 ლარს შეადგენს. ასევე დაგეგმილია საცხოვრებელი კორპუსების ფასადების რეაბილიტაციაც, თანხით 150 000 ლარი.

✔️აღსანიშნავია, რომ ქ. დმანისში 2017 წელს განხორციელდა 10 მრავალბინიანი საცხოვრებელი კორპუსის სახურავების რეაბილიტაცია თანხით 300 000 ლარი. 
✔️ასევე მოხდა შიდა ქუჩების მოასფალტება-რეაბილიტაცია.
✔️მოწესრიგდა გარე განათების სისტემები და მოეწყო სანიაღვრე არხები.
✔️განხორციელდა 2 სკვერისა და საბავშვო ბაღების რეაბილიტაცია.
✔️მოსახლეობის ინტერესების გათვალისწინებით 2 სარიტუალო დარბაზი რეაბილიტირდა. 
✔️აშენდა სპორტულ-გამაჯანსაღებელი კომპლექსი. 
✔️ჩატარდა ცენტრალური სტადიონის რეაბილიტაცია.