საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, ქვემო ქართლის გუბერნატორი გრიგოლ ნემსაძე და წალკის მუნიციპალიტეტის მერი ილია საბაძე, ეკომიგრანტ ოჯახებს ესტუმრნენ და საცხოვრებელი ფართის, საკუთრების დამადასტურებელი, მოწმობები გადაცეს.

სოზარ სუბარი და გრიგოლ ნემსაძე, წალკის მუნიციპალიტეტის საზოგადოებრივ ცენტრში, მაკარაძეების 9-სულიანი ოჯახისთვის, სახლის საკუთრებაში გადაცემის პროცედურასაც დაესწრნენ.

,,ეკომიგრანტი ოჯახებისთვის სახლების დაკანონების პროცესი აქტიურად გრძელდება. მხოლოდ ქვემო ქართლის რეგიონში 2015 წლიდან დღემდე 400-მდე ოჯახს საკუთრებაში გადაეცათ საცხოვრებელი ფართი. მნიშვნელოვანია რომ სახელმწიფო მუდმივად ზრუნავს ეკომიგრანტების საცხოვრებელი პირობების გააუმჯობესებაზე. აღნიშნული პროცესი მომავალშიც აქტიურად გაგრძელდება”-განაცხადა ქვემო ქართლის გუბერნატორმა.

ეკომიგრანტი ოჯახებისთვის 2004-2009 წლებში შესყიდული სახლების დაკანონების პროცესი მხოლოდ 2015 წელს დაიწყო. ამ ეტაპზე, წალკის მუნიციპალიტეტში საცხოვრებელი ფართი საკუთრებაში უკვე 200-ზე მეტ ეკომიგრანტ ოჯახს გადაეცა. მთელი ქვეყნის მასშტაბით კი, სახლი 500-ზე მეტ ოჯახს დაუკანონდა და ეს პროცესი გრძელდება.