6 ივნისს მსოფლიო ჭიდაობის ფედერაციის ეგიდით, საქართველოს სპორტისა და ახალგაზრდობის საქმეთა სამინისტროს, ჭიდაობის ეროვნული ფედერაციის, რუსთავის მერიისა და ქვემო ქართლის სამხარეო ადმინისტრაციის ხელშეწყობით, ქიმიკოსთა სპორტულ კომპლექსში, ბერძნულ-რომაულ ჭიდაობაში მსოფლიო ჩემპიონის, თემურ ყაზარაშვილის სახელობის რიგით მეოცე საერთაშორისო ტურნირი გაიხსნა. 
ჩემპიონატის გახსნას, ქვემო ქართლში სახელმწიფო რწმუნებულ-გუბერნატორი გრიგოლ ნემსაძე, რუსთავის მერი დავით ჯიქია, ქალაქის საკრებულოს თავმჯდომარე დავით მაღლაკელიძე, მოადგილეებთან და ადგილობრივი ხელისუფლების სხვა წარმომადგენლებთან ერთად დაესწრნენ. 
სპორტული ღონისძიების ფარგლებში, ქვემო ქართლის გუბერნატორმა თემურ ყაზარაშვილს, ხოლო ქალაქის მერმა წარმატებულ რუსთაველ მოცურავეს, რიოს ოლიმპიადის მონაწილე თეონა ბოსტაშვილს ფასიანი საჩუქარი გადასცა.