სახელმწიფო რწმუნებულის ადმინისტრაცია

საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში

გერბი

Administration Of State Representative

In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality

დმანისობა 2017

26 ივლისი 2017


26 ივლისს, დმანისის მუნიციპალიტეტში, პანტიანის ტბის მიმდებარე ტერიტორიაზე ,,დმანისობა 2017“ აღინიშნა. სახალხო დღესასწაული ადგილობრივ მცხოვრებლებსა და რეგიონის სტუმრებს სცენიდან პირადად მიულოცა ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ.

„ჩემთვის დიდი პატივია ვიმყოფებოდე ძირძველ ქართულ მიწაზე, პირველი ევროპელების სამშობლოში-დმანისში, რომელმაც თავისი წარსულითა და აწმყოთი გაამდიდრა და არაერთგზის ასახელა ჩვენი ქვეყანა.
საუკუნეების განმავლობაში, აქ ჩამოყალიბებულმა ეთნიკურმა, კულტურულმა და რელიგიურმა მრავალფეროვნებამ განსაკუთრებულად შეუწყო ხელი სამოქალაქო ცნობიერებისა და ჯანსაღი გარემოს ფორმირებას. დღესაც, ყველა ერთად, სწორედ ტოლერანტობისა და მეგობრობის დღეს ავღნიშნავთ,“-განაცხადა გუბერნატორმა.

ღონისძიების ფარგლებში სცენაზე შესრულდა ქართულ და აზერბაიჯანულ მოტივებზე შექმნილი სასიმღერო და საცეკვაო ნომრები. სადღესასწაულო განწყობის შექმნაზე იზრუნეს აგრეთვე დმანისის კულტურისა და ხელოვნების ცენტრის შემოქმედებითმა კოლექტივებისა და ბავშვთა სტუდიების წარმომადგენლებმა. მოეწყო ეთნოგრაფიული ნივთებისა და ხატვისა და ხალხური რეწვის სტუდიის აღსაზრდელთა ნამუშევრების გამოფენა. პარალელურად მიმდინარეობდა სპორტული შეჯიბრებები. 

დღესვე ოქროსა და ვერცხლის მედლებით დაჯილდოვდნენ დმანისის საჯარო სკოლების წარმატებული კურსდამთავრებულები.


  • დმანისობა 2017