დმანისის მუნიციპალიტეტში საქართველოს პრემიერ-მინისტრის ინიციატივით დაწყებული განახლებული რეგიონების სახელმწიფო პროგრამის ფარგლებში 2 მილიონამდე ლარის ღირებულების 4 ინფრასტრუქტურული პროექტი ხორციელდება. 

სამუშაოების მიმდინარეობის პროცესი ადგილზე პირადად მოინახულეს ქვემო ქართლში სახელმწიფო რწმუნებულმა გიორგი დოხტურიშვილმა, რეგიონული განვითარებისა და ინფრასტრუქტურის მინისტრის მოადგილე ილია ბეგიაშვილმა და  მუნიციპალიტეტის მერმა კობა მურადაშვილმა. 

•    პროექტის ფარგლებში, დმანისის მუნიციპალური ცენტრის მიმდებარე ტერიტორიაზე ახალი რეკრეაციული სივრცეები და შადრევნები ეწყობა;

•    ხორციელდება კულტურის სახლის ფასადისა და „თავისუფლების ხეივანის“ მშენებლობა - რეაბილიტაცია;

•    იცვლება მიწისქვეშა საკომუნიკაციო სისტემები;

•    აღდგება დაზიანებული ბორდიურები;

•    წესრიგდება მოსასვენებელი სივრცეები, დეკორატიული შემოღობვითა და გარე-განათებებით.  

აღსანიშნავია, რომ ქვემო ქართლის მხარეში, განახლებული რეგიონების ფარგლებში მიმდინარე ყველა ინფრასტრუქტურული პროექტი აქტიურად ხორციელდება -  შესრულებული სამუშაოების ხარისხსა და მიმდინარეობის პროცესს, ყველა ლოკაციაზე, ადგილზე პირადად გაეცნო ქვემო ქართლში სახელმწიფო რწმუნებული გიორგი დოხტურიშვილი.