ქვემო ქართლში სახელმწიფო რწმუნებულის, შოთა რეხვიაშვილის  ხელმძღვანელობით, სამხარეო ადმინისტრაციაში დმანისის მუნიციპალიტეტში მიმდინარე ინფრასტრუქტურული პროექტების შესახებ იმსჯელეს. 

სამუშაო შეხვედრას რწმუნებულის პირველი მოადგილე, ზვიად ჭუნაშვილი, დმანისის მუნიციპალიტეტის მერი, კობა მურადაშვილი, შესაბამისი სამსახურების ხელმძღვანელი პირები და კონტრაქტორი კომპანიების წარმომადგენლები დაესწრნენ. 

მხარეებმა დიალოგის რეჟიმში დაგეგმეს კონკრეტული ღონისძიებები, რომელიც მუნიციპალიტეტში ინფრასტრუქტურული პროექტების წარმატებით განხორციელებას შეუწყობს ხელს. ყურადღება გამახვილდა კომპანიების მიერ, ნაკისრი ვალდებულებების შესრულების ხარისხსა და სამუშაოების დასრულების ვადებზე.