ქვემო ქართლში სახელმწიფო რწმუნებული, შოთა რეხვიაშვილი, ქვეყნის მასშტაბით,  პირველი ,,აუთლეტ ვილიჯის“ პროექტის წარდგენის პრეზენტაციას დაესწრო.

რეგიონში პირველი „აუთლეტ ვილიჯის“ მშენებლობა დაიწყო და სულ რაღაც ერთ წელიწადში, გარდაბნის მუნიციპალიტეტის ადმინისტრაციულ ტერიტორიაზე, საქართველოში  პირველი სავაჭრო ქალაქი გაიხსნება. 

ამის შესახებ საქართველოს პრემიერ-მინისტრმა „აუთლეტ ვილიჯის“ პროექტის პრეზენტაციაზე გამოსვლისას განაცხადა, სადაც, მშენებლობის დაწყებასთან დაკავშირებით, პროექტის ინვესტორებსა და პარტნიორებთან ერთად, სიმბოლური კაფსულა ჩადო. 

მთავრობის მეთაურის თქმით, ძალიან მნიშვნელოვან პროექტს, რომლის ღირებულებაც დაახლოებით 70 მილიონი ლარია, კომპანია „დომუსი“ ახორციელებს. 
„ჯორჯიან აუთლეტ ენდ რეზორტ გრუპი“ 10 ჰექტარ ტერიტორიაზე ქალაქის ტიპის მშენებლობის პირველ ფაზას 2022 წელს დაასრულებს. პროექტის ინვესტიციის მოცულობა 70 მილიონი ლარია. „აუთლეტ ვილიჯის“ მშენებლობის პროცესში შეიქმნება 500 სამუშაო ადგილი, ხოლო სავაჭრო სივრცის სრული დატვირთვით ფუნქციონირებისას 2 000-ზე მეტი ადამიანი დასაქმდება.

ღონისძიებას საქართველოს აღმასრულებელი და საკანონმდებლო ხელისუფლების წევრები და ბიზნესის წარმომადგენლები დაესწრნენ.