ქვემო ქართლში სახელმწიფო რწმუნებული, შოთა რეხვიაშვილი, რწმუნებულის პირველი მოადგილე, ზვიად ჭუნაშვილი და მარნეულის მერის მოვალეობის შემსრულებელი, ზაურ ტაბატაძე, მუნიციპალიტეტში, პროექტების მონიტორინგის ფარგლებში, ცენტრალური და ადგილობრივი ბიუჯეტის ერთობლივი დაფინანსებით მიმდინარე და დასრულებულ პროექტებს გაეცნენ.

სოფლებში, საბაზისო ინფრასტრუქტურის მოწყობის მიზნით, ამ ეტაპზე, შიდა გზებისა და სპორტული სივრცეების მშენებლობა მიმდინარეობს.

საერთო ჯამში, მუნიციპალიტეტში, წლის ბოლომდე, ექსპლუატაციაში 13 მილიონი ლარის ღირებულების, სხვადასხვა პრიორიტეტული მიმართულებებით განხორციელებული, პროექტები შევა.

ხელოვნურსაფარიანი, კომბინირებული მინი-სტადიონი მოეწყო სოფელ ახლოლალოში და ადგილზე 128 887 ლარის ღირებულების სამუშაოები განხორცილდა.

ასფალტის ახალი საფარი დაიგო სოფელ იმირჭალაში. უახლოეს მომავალში კი გამართული საგზაო ინფრასტრუქტურით ისარგებლებს სოფელ ხიხანში და დამიაში მცხოვრები მოსახლეობა.

აღნიშნული სამუშაოების დასრულების შემდეგ, მარნეულის მუნიციპალიტეტის ყველა დასახლება და თემი ადმინისტრაციულ ცენტრებს კომფორტული საგზაო ინფრასტრუქტურით დაუკავშირდება.