საქართველოს ადმინისტრაციულ-ტერიტორიულ ერთეულებში, ბოლნისის, გარდაბნის, დმანისის, თეთრიწყაროს, მარნეულის, წალკის მუნიციპალიტეტებსა და ქალაქ რუსთავის მუნიციპალიტეტში
In administrative-territorial units of Georgia: Bolnisi, Gardabani, Dmanisi, Tetritskaro, Marneuli, Tsalka municipalities and City Rustavi municipality
02 სექტემბერი 2021
ქვემო ქართლში სახელმწიფო რწმუნებული, შოთა რეხვიაშვილი, პირველ მოადგილესთან, ზვიად ჭუნაშვილთან და წალკის ადგილობრივი თვითმმართველობის ხელმძღვანელ პირებთან ერთად, მუნიციპალიტეტის მასშტაბით, ინფრასტრუქტურული სამუშაოების მიმდინარეობის პროცესს გაეცნო.
წლის განმავლობაში, საგზაო ინფრასტრუქტურის მოწესრიგების მიზნით, წალკაში რეგიონული განვითარებისა და ინფრასტრუქტურის სამინისტროს დაფინანსებით, 4 ლოკაციაზე, 6 500 000 ლარის ღირებულების სამშენებლო-სარეაბილიტაციო სამუშაოები განხორციელდება.
დასრულებულია ბეშთაშენი, სამადლო, ახალშენის დამაკავშირებელი გზის მშენებლობა და 7 სოფლის დაახლოებით 3 000-მდე ადგილობრივი უკვე გამართული საგზაო ინფრასტრუქტურით სარგებლობს.
სამუშაოები ინტენსიურ რეჟიმში მიმდინარეობს, საერთაშორისო მნიშვნელობის ტურისტულ ლოკაციაზე - წალკის კანიონსა და ასევე, სოფელ დაშბაშში მდებარე ეკლესიამდე მისასვლელი გზის მშენებლობისთვის.
გამართული საბაზისო ინფრასტრუქტურის მოწყობის მიზნით, მნიშვნელოვანი და მასშტაბური პროექტები ხორციელდება სოფელ კოხტაში, ოროზმანში და ქალაქ წალკაშიც. აღნიშნულ ლოკაციებზე, სოფლების ადმინისტრაციულ ცენტრებამდე მისასვლელი გზები და ბორდიულები ეწყობა.