ქვემო ქართლში სახელმწიფო რწმუნებული, შოთა რეხვიაშვილი, რწმუნებულის მოადგილე, ზვიად ჭუნაშვილი და თეთრიწყაროს მერი, გიორგი ქორიძე, პროექტების მონიტორინგის ფარგლებში, მუნიციპალიტეტში ინფრასტრუქტურული საუშაოების მიმდინარეობის პროცესს გაეცნენ.

ამ ეტაპზე, სოფელ ჯორჯიაშვილში, აქტიურად ხორციელდება სააღმზრდელო დაწესებულების მშენებლობა-რეაბილიტაცია, დასრულდა სოფელ ენაგეთში, სკოლამდე მისასვლელი გზის დაგება, სანიაღვრე არხები და ორფენიანი ასფალტ-ბეტონის საფარი ეწყობა აბელიანი-ხოპისის დამაკავშირებელი გზის მონაკვეთზე - ჯამში, 5 მილიონამდე ლარის ღირებულების სამუშაოებს, რეგიონული განვითარებისა და ინფრასტრუქტურის სამინისტრო აფინანსებს.

გარდა აღნიშნული პროექტებისა, მუნიციპალიტეტში, გაერთიანებული წყალმომარაგების კომპანიამ უკვე დაიწყო 15 სოფლისა და ადმინისტრაციული ცენტრის, უწყვეტი წყალმომარაგების მიზნით, 48 მილიონი ლარის ღირებულების, მასშტაბური სამუშაოების განხორციელება. მუნიციპალური განვითარების ფონდის დაფინანსებით, თანამედროვე სტანდარტების შესაბამისი სკოლა შენდება სოფელ ჩხიკვთაში, დიდგორსა და გოლთეთში კი უკვე არსებული შენობების რეაბილიტაცია მიმდინარეობს.